«Іle Alataýy» parkindegi shyrshalar kúni-túni kúzetiledi
ALMATY. QazAqparat – Almatyda «Іle Alataýy» ulttyq parki basshylyǵy shyrshalardy zańsyz otaýdyń aldyn alý úshin táýlik boıy kezekshilik uıymdastyrady, dep habarlaıdy QazAqparat tilshisi.
Jańa jyl qarsańynda mereke sımvoly shyrshany zańsyz otaıtyndardyń qatary kóbeıedi.
«Jasyl jelekti qorǵaý maqsatynda Іle Alataýy parkinde kezekshilik kestesi quryldy. Parktiń 12 baqylaý-ótkizý pýnktinde táýlik boıy kezekshilik turatyn boldy», - delingen ulttyq parktiń Facebook-tegi paraqshasynda.
Mamandardyń aıtýynsha, qylqanjapyraqty aǵashtardy kesken jaǵdaıda QR Úkimetiniń №441 qaýlysyna sáıkes kesilgen bir shyrshanyń ornyna 15 AEK, ıaǵnı 36 myń teńge aıyppul salynady. QR QK 340-babynyń 2-tarmaǵy boıynsha 160 AEK, 384 myń teńgege deıin aıyppul salynyp nemese 40 táýlikke qamalýy yqtımal.
«Halyqtan tabıǵatqa uqyptylyqpen qaraýyn suraımyz. Júzdegen jyl boıy ósetin shyrsha aǵashtaryn bir sátte otaýǵa bolmaıdy. Máńgi jasyl aǵashtardy urpaǵymyzǵa da qaldyrýymyz kerek», - deıdi Іle-Alataýy ulttyq parkiniń qyzmetkerleri.
foto:facebook.com