Іle Alataýy parkinde sibir elikteri fototuzaqqa túsip qaldy
ALMATY. QazAqparat - Almatyda Іle Alataýy ulttyq parkiniń terrıtorııasynda ornalastyrylǵan fototuzaqqa sibir elikteri túsip qalǵan. Bul týraly parktiń Feısbýktegi paraqshasynda jarııalandy, dep habarlaıdy QazAqparat tilshisi.
Іle-Alataý ulttyq parkiniń Aqsaı fılıalynyń bıolog-ańtanýshysy Sákenov Nurbol bastaǵan Ǵylymı zertteý jumystary jáne taýly agrobıoalýantúrlilik bólimi men Janýarlar álemin qorǵaý jáne ósimin molaıtý bólimi mamandary osy fılıalǵa qarasty shatqalǵa fototuzaq ornatqan bolatyn.
Sondaı-aq, mamandar Tuıaqty janýarlarǵa arnalǵan qorektendirý astaýlary men tuz jalaıtyn oryndardy tekserdi. Baqylaý kezinde mamandar ormannyń ashyq alańqaıynda jaıylyp júrgen sibir elikterin (Capreolus pyqarqus) sýretke, vıdeoǵa túsirip aldy. Beınekadrǵa bul jaqqa sırek aıaq basatyn 6 sibir eligi túsip qalǵan.
Іle Alataýy ulttyq parki mamandary aımaqtaǵy flora men faýnanyń tynys-tirlishigin qatań baqylaýda ustap otyrady.
Byltyr 13 jeltoqsanda tuńǵysh ret Іle Alataýynda alandaryn ertken qar barysy fototuzaqqa túsip qalǵan bolatyn.
Beınekadrda 3 túz taǵysy taý betkeıin boılaı mańǵaz basyp ketip bara jatqany túsip qalǵan. Ulttyq park mamandarynyń baǵamdaýynsha, kameranyń aldynan urǵashy barys 1,5 jasar kúshikterin ertip ótken.
Aıta ketý kerek, Almaty bıligi osyǵan deıin joıylýdyń az-aq aldynda turǵan qar barysyna arnalǵan zoobaq ashatynyn habarlaǵan bolatyn.
Erekshe kúzetti talap etetin nysan adamdar bara bermeıtin bıik taýda salynady. Ondaǵan gektardy alyp jatqan terrıtorııada taý eshkileri, buǵylar mekendeıtin bolady. Bul qar barystarynyń qorektik bazasy bolmaq. Bıyl zoolog ǵalymdar men Zoologııa ınstıtýtynyń ókilderi ǵylymı zertteý júrgizip jatyr.
