Іle Alataýy parkinde ot jaqqandar 4 mln teńge aıyppul tóleýi múmkin
ALMATY. QazAqparat – Almaty qalasynyń Tótenshe jaǵdaılar departamenti Іle Alataýy ulttyq parkiniń terrıtorııasynda órt qaýipsizdigi sharalaryn qatań qolǵa almaq, dep habarlaıdy QazAqparat tilshisi.
Aýa temperatýrasynyń joǵary bolýyna baılanysty orman terrıtorııasynda, taýly aımaqtarda órt qaýpi artyp otyr.
Karantın kezinde 200-ge tarta órt shyqqan.
Osyǵan baılanysty qalalyq TJD, tabıǵatty qorǵaý polıtsııasy men Іle Alataýy parkiniń ınspektorlarynyń patrýldik baqylaýy kúsheıtildi.
«Ótken demalysta Bostandyq aýdandyq TJ basqarmasynyń qyzmetkerleri orman terrıtorııasynda ot jaqqandardy anyqtady. 54 jastaǵy turǵyn ot jaǵyp, tamaq pisirgen, samaýryn qaınatqan», - dedi TJD baspasóz qyzmetinen.
Erekshe kúzettegi terrıtorııada órt qaýipsizdigi sharttaryn buzǵan jeke tulǵalarǵa - 100 AEK (277 800 tg) mólsherinde, laýazymdy tulǵalar men shaǵyn kásipkerler - 250 AEK mólsherinde, orta bıznes sýbektilerine – 400 AEK, iri bıznes sýbektilerine 1500 AEK mólsherinde aıyppul salynady.
«Ulttyq park ınspektorlary ereje buzǵan adamǵa ákimshilik aıyppul toltyrdy. Ol 7 kún ishinde 50 AEK, 138 900 teńge aıyppul tóleýge mindetteldi. Osyndaı zańbuzýshylyqtar úshin Medeý shatqalynda, Aqsaı shatqalynda ot jaqqan azamattarǵa aıyppul salyndy», - dedi TJD.
2020 jyldyń basynan 57 derek tirkeldi, 23 ákimshilik hattama toltyrylǵan.
