Іle Alataýy memlekettik tabıǵı ulttyq parkindegi shyrshalar kúni-túni kúzetiledi

Jańa jyl qarsańynda mereke sımvoly — shyrshany zańsyz otaıtyndardyń qatary kóbeıedi.
Іle-Alataý memlekettik ulttyq tabıǵı parkiniń ǵylymı zertteý jumystary jáne taýly agrobıoártúrlilik bólim basshysy Saltanat Óserbaevanyń aıtýynsha, jasyl jelekti qorǵaý maqsatynda Іle Alataýy parkinde kezekshilik kestesi quryldy. Parktiń 14 baqylaý-ótkizý pýnktinde táýlik boıy kezekshilik turatyn boldy.
«Kóp adam Jańa jyldy isi ańqyǵan naǵyz orman shyrshasymen qarsy alǵandy unatady, biraq ormanshylar qylqan japyraqty aǵashty kespeýge shaqyrady. Júzdegen jyl boıy ósetin shyrsha aǵashtaryn bir sátte otaýǵa bolmaıdy. Máńgi jasyl aǵashtardy urpaǵymyzǵa da qaldyrýymyz kerek»,- deıdi», - deıdi Ulttyq saıabaq qyzmetkeri.
Onyń aıtýynsha, quqyq buzýshylar QR Qylmystyq kodeksiniń 340-baby boıynsha jazalanady.
«Aǵashtar men butalardy zańsyz keskender eki júz saǵat qoǵamdyq jumysqa tartylady nemese 200 AEK aıyppul tóleıdi. Elý táýlikke qamaýǵa alý sharasy da qoldanylady. Tipti múlki tárkilenip, úsh jylǵa deıingi merzimge laýazymdy qyzmet atqarý quqyǵynan aıyrylýy múmkin»,- dep túsindirdi Saltanat Óserbaeva.
Aıta keteıik, jyl saıyn ulttyq park aýmaǵynda 0,2 gektar jerge Shrenk shyrshasynyń kóshetteri otyrǵyzylady.