Іle-Alataý parkindegi órt otty durys paıdalanbaý saldarynan oryn alǵan - AShM
ASTANA. 28 tamyz. QazAqparat -22 tamyzda Almaty qalasy mańyndaǵy Іle Alataý memlekettik ulttyq tabıǵat parkiniń Medeý fılıaly Kishi Almaty orman sharýashylyǵynda oryn alǵan órt otty durys paıdalanbaý saldarynan týyndaǵan.
Bul týraly Aýyl sharýashylyǵy mınıstrliginiń baspasóz qyzmeti habarlady.
Mınıstrliktiń málimetine súıensek, orman alqabyn sharpyǵan órtti sóndirýge 710 adam, 62 tehnıka birligi, 4 tikushaq jumyldyrylǵan. Orman órti byltyrǵy jylǵy jelsulatpadan tazartylǵan ýchaskede oryn alsa kerek. Al aptap ystyq pen kúshti jel tilsiz jaýdyń tez taraýyna áser berip, onyń ústine taýly aımaqta órtti tez aýyzdyqtaý birshama qıyndyq týdyrǵan.
Orman órti jalpy 21 gektar aýmaqty sharpyǵan.
