Іlbistiń sany 20 jyldan keıin taǵy 10% azaıady - BUU

ALMATY. QazAqparat – Іlbis joıylyp ketý qaýpi aldynda tur. 2040 jyly ilbisterdiń popýlıatsııasy taǵy 10%-ǵa qysqarady, dep habarlaıdy QazAqparat tilshisi BUU-ǵa silteme jasap.

BUU deregi boıynsha, álemde 4000-7500 ilbis qalǵan. Olarǵa «mıftik janýar» degen ataý da berilgen, sebebi olar adamnyń kózine sırek túsedi.

Halyqaralyq tabıǵatty qorǵaý odaǵy atap ótkendeı, brakonerlikten basqa basty qaýipterdiń biri – sharýashylyq qyzmetti keńeıtip, adamdardyń barys mekendeıtin aýmaqqa ótýi. Óıtkeni, bul janýarlar ári qaraı ormanǵa jyljıdy, al ilbistiń sany azaıyp barady.

Taǵy bir faktor – klımattyń ózgerýi. Sonyń saldarynan ekojúıe ózgeriske ushyryp, adamnyń da, ilbistiń de ómirine yqpal etýde.

Tájikstan men Qyrǵyzstanda BUU qorshaǵan ortany qorǵaý baǵdarlamasy boıynsha «Joıylyp bara jatqan qazyna» jobasy júzege asyrylyp jatyr. Qyrǵyzstanda ilbister sany — 500. 2013 jyly ilbisti saqtaý boıynsha jahandyq strategııa qabyldandy. Qazaqstan bul jobaǵa byltyr qosyldy.

«Іlbis mekendeıtin elderdiń jergilikti qoǵamdastyǵyn osy máseleni sheshýge tartýdyń mańyzy zor. Adamdardyń áreketin ózgertip, jergilikti turǵyndardy jumyldyrý qajet. Iá, ilbisterdi óz kózimen kórgender sany az. Degenmen, olar ómir súrip jatyr jáne biz olardy qutqarýymyz kerek!», - dep habarlady BUU Bas hatshylyǵynyń kómekshisi Djıhan Sýltanoglý.

Aıta keteıik, Qazaqstanda ilbistiń sany 130 – 150 dep baǵalanyp otyr. Ol Tıan-Shan, Jetisý Alataýy, Tarbaǵataı, Altaı taýlaryn mekendeıdi.