Іlbistiń Altyn-Emel Ulttyq parkinde túsirilgen sırek kezdesetin sýretteri jarııalandy

NUR-SULTAN. QazAqparat – Halyqaralyq qar barystary qorynyń dırektory Arman Qashqynbekov óziniń Facebook paraqshasynda ilbistiń sırek kezdesetin sýretterin jarııalady, dep habarlaıdy QazAqparat.

Avtor sýretterdiń Almaty oblysyndaǵy Altyn-Emel ulttyq tabıǵı parkinde 50 metr qashyqtyqtan túsirilgenin aıtady.

«Tuńǵysh ret ilbis Altyn-Emel ulttyq tabıǵı parkinde qamystardyń arasynda 50 metr qashyqtyqtan túsirildi. Túrki álemi úshin qar barysy jylyndaǵy keremet jańalyq. Halyqaralyq qar barysy qory qazaqstandyqtardy osy oqıǵamen quttyqtaıdy jáne ulttyń sımvolyn qorǵaýǵa baǵyttalǵan jumystardy jalǵastyra bermek»,-dep jazdy Arman Qashqynbaev.

Osyǵan deıin «Kólsaı kólderi» ulttyq parkine qoıylǵan fototuzaqqa ilbistiń urǵashysy men 1 jastaǵy alany túsip qalǵan edi.