Ilıas Jumaı qoshqar kóterýden rekord ornatty
ALMATY. QazAqparat - Almatyda buqaralyq sportty damytýǵa baǵyttalǵan «Asyl mura» baǵdarlamasynyń jańa maýsymy bastaldy, dep habarlaıdy QazAqparat tilshisi.
Baǵdarlama qatysýshylary qoshqar kóterý, asyq atý, baǵanaǵa órmeleý, arqan tartý, gir kóterý sport túrlerinen óz kúshterin synap, baǵaly syılyqtarǵa ıe boldy.
Oraza aıt merekesiniń birinshi kúni jınalǵan 3 myńnan astam adam erekshe sharaǵa kýá boldy. Jarysqa qatysýshylar qoshqar kóterý saıysyna qyzyǵýshylyq tanytty. Barlyǵy 3 qoshqar oınatylyp, sonyń birin erkin kúres palýany, ulttyq quramanyń múshesi Ilıas Jumaı boldy. Ol 40 kg salmaqty qoshqardy 205 ret kóterip osy jerde rekord ornatty.
«Osyndaı jarysqa birinshi ret qatysyp otyrmyn. Odan da kóp kóterýge kúshim jeter edi, biraq barlyǵy biraýyzdan jeńisti maǵan bergendikten jalǵastyrýdyń máni bolmady. Ózim erkin kúrespen 8 jastan beri aınalysyp kelemin. Sondyqtan bolar, qoıdyq salmaǵy jeńil kórindi», - dedi Ilıas Jumaı.
Baǵdarlama aıasynda 16 maýsym kúni meshitke kelýshi jamaǵat arasynda fýtbol lıgasy bastalady. Almaty Arena stadıonynda ótetin oıynǵa barsha Alataý aýdanyndaǵy meshitter jamaǵaty qatysa alady. Bul joly lıganyń jalpy júlde qory 1 mln teńge. 
