Ilıanyń yntasy zor - Mınıstr Ilınniń sportqa oralýy týraly

ASTANA. QazAqparat - ASTANA. QazAqparat - QR Mádenıet jáne sport mınıstri Arystanbek Muhamedıuly aýyr atlet Ilıa Ilınniń sportqa oralýy týraly pikir bildirdi, dep habarlaıdy QazAqparat tilshisi.

«Árıne, óte kúrdeli másele. Ilıa Ilınniń sportqa oralǵanyna qýanyshtymyz. Qazir biz shettetilgen sportshylardyń Tokıo Olımpıadasyna qatysýy úshin qajetti quqyqtyq máselelermen aınalysyp jatyrmyz. Ilıanyń ynta-yqylasy zor», - dep jaýap berdi mınıstr jýrnalıster suraǵyna.

Eske sala ketsek, Ilıa Ilınniń synamasynan dopıng tabylyp, 2008 jáne 2012 jyldary ótken Olımpıada oıyndarynyń altyn júldelerinen aıyrylǵan edi. Halyqaralyq aýyr atletıka federatsııasy (IWF) qazaqstandyq sportshyny 2018 jyldyń 19 qazanyna deıin sporttan shettetti.

2018 jyldyń qańtar aıynda (IWF) qazaqstandyq sportshy Ilıa Ilındi sporttan shettetý merzimin ózgertti.

Maýsym aıynda Ilıa Ilın eki jyldan keıin úlken sportqa qaıta oraldy.