Ilıany aqtap shyǵý úshin bir jyl ýaqyt ketýi múmkin - Erjas Boltaev
ASTANA. QazAqparat - 2008 jylǵy Beıjiń Olımpıadasy men 2012 jylǵy London Olımpıadasynda dopıng paıdalandy dep aıyptalǵan Qazaqstannyń aýyr atleti, eki dúrkin Olımpıada chempıony atanǵan Ilıa Ilındi aqtap alý úshin bir jyl ýaqyt ketýi múmkin. Bul týraly QazAqparat tilshisine sportshynyń jeke bapkeri Erjas Boltaev aıtyp berdi.
«Negizi, «Ilıa London Olımpıadasynda dopıng paıdalanǵan» degen aqparattan keıin, Beıjiń Olımpıadasyna qatysty da osyndaı shý shyǵady degenge daıyn boldyq. Óıtkeni, London olımpıadasyn «qaralaǵan» olar «Beıjińde Ilıa taza boldy» dep aıta almaıtyn edi. Bul - meniń jeke oıym. Olardyń maqsaty - eki Olımpıadanyń da júldesin qaıtarý. Olardyń aıtýynsha, negizgi maqsat Rıo Olımpıadasyna dopıng qoldanǵan sportshylardy jibermeý deıdi. Olımpıada oıynyn dopıngtan tazartamyz deıdi. Biraq, Ilıanyń aıtýynsha, ol Beıjińge ushyp kelgende, tańǵy jetide qan tapsyrǵan, jarystyń aldynda jáne jarystan keıin úsh ret qan tapsyrǵan»,-deıdi E.Boltaev.
Erjas Boltaevqa kóptiń kókeıindegi suraqty qoıdyq: segiz jyl boıy Halyqaralyq aýyr atletıka federatsııasy qaıda qaraǵan?
«Jalpy, dopıng tekserý protsesi bylaı júredi sizdi jarys ústinde tekseredi. ıAǵnı, analızdyń qorytyndysy Olımpıada oıyndarynyń barysynda aıtylý kerek, siz elińizge ketkennen keıin onyń qorytyndysy aıtylmaıdy. Zerthana kúndiz-túni jumys istep, nátıjesin bir-eki kúnde beredi. ıAǵnı, Beıjińde de, Londonda da ondaı málimet aıtylǵan joq. Ilıa dopıng qoldanǵan bolsa, onyń altyn medali sol jerde qalatyn edi. Bul istiń aıaǵyna deıin baryp, anyǵyn bilý kerek. Rıoǵa barýǵa múmkindigimiz óte az. 0.1 paıyz dep aıtsam bolady. Sebebi, ýaqyt tyǵyz. Ilıany aqtap shyǵý úshin ýaqyt kerek. Protsess tipti bir jylǵa sozylyp kete ma dep qorqamyn. Óte qıyn jaǵdaı. Buny kim jasap jatsa da, aýyr atletıkaǵa keri áserin bereıin dep tur. Ilıa óte tanymal sportshy, oǵan qarap qanshama bala aýyr atletıkaǵa kelip jatyr. Ilıanyń maqsaty - aýyr atletıkany álemdik deńgeıde damytý. Ilıa sportty qoıǵannan keıin - aýyr atletıkany damytady. Ol jattyǵýyn toqtatqan joq, toqtatpaıdy da. Biz Ilıanyń eki júldesi úshin kúresemiz. Ózimizdiń kináli emes ekenimizdi dáleldeý kerek»,-deıdi bapker.
Eske sala keteıik, aýyr atlet Ilıa Ilınniń 2008 jáne 2012 Olımpıada oıyndaryndaǵy dopıng synamasynda dopıng izderi tabylǵan dep habarlandy. Biraq, Ilıa bul jalǵan aıyp ekenin jáne óziniń taza ekenin dáleldeıtinin aıtyp otyr. Bul isti búgin QR Premer-mınıstriniń ózi nazarǵa alyp, Mádenıet jáne sport mınıstri Arystanbek Muhamedıulyna dopnıng daýyn baqylaýǵa alýdy tapsyrdy.
