Ilıan Ilın Koreıada jattyǵyp keldi
ASTANA. 15 sáýir. QazAqparat -Qazaqstandyq aýyr atlet úsh dúrkin álem chempıony Ilıa Ilın Olımpıadaǵa daıyndyǵyn pysyqtaýda.
Jaqynda Ilıa Koreıa elinde kezekti oqý-jattyǵý jıynynan oraldy. Bul jaıynda «Alaman» sport agenttigi jarııalap otyr.
«Onyń aldynda Parıjde, Polshada jattyǵyp kelgenmin. Endi jospar boıynsha Koreıada daıyndalyp qaıttym. Alda jattyǵýymdy Shymkent tórinde jalǵastyramyn»,- dedi Ilıa suhbatynda.
Osy rette Túrkııanyń Antalııa qalasynda ótip jatqan Eýropa chempıonatynda 94 kelide (Ilıanyń salmaǵynda) jeńimpazdar anyqtaldy. Kári qurlyq dodasynda Anatolıı Kırıký top jardy.
94 kg. 1. Anatolıı Kırıký (Moldavııa) - 402 kg (178 kg + 224 kg v). 2. Aýrımas Dıdzbalıs (Lıtva) - 395 (180+215). 3. Aslan Bıdeev (Reseı)- 382 (170+212)
Kırıkýdyń eńsergeni birshama salmaq. Parıjde Ilın 407 kelini baǵyndyrǵanyn eskersek, arasy bes keli ǵana. Demek, Kırıkýden de qaýip bar.
Osy tusta esterińizge sala keteıik, sáýirdiń 25 kúni Koreıada Azııa chempıonaty bastalady. Bul dodaǵa Qazaqstan ekinshi quramasyn aparady.
