Ilıa Vorotnıkov «Qaırattan» ketti
ASTANA. 8 qańtar. QazAqparat - Almatylyq komandanyń eks-kapıtany Ilıa Vorotnıkov jańa maýsymda basqa klýbtyń atynan shyǵady.
Vesti.kz habarlaǵandaı, 26 jastaǵy Vorotnıkov ótken chempıonatta 16 matchta oınady jáne birshama ýaqyt komandany kapıtandyq baılammen alyp shyǵyp otyrdy. «Qaıratta» ol sońǵy eki maýsymdy ótkizdi, al oǵan deıin «Atyraý», «Almaty», kazandyq «Rýbın» jáne «Ertis» úshin oınady.
«Jańa maýsymda ózge komanda úshin oınaıtynymdy rastaımyn. Ázirshe úıdemin, biraq jańa komandaǵa qatysty naqtylyq jaqyn ýaqytta belgili bolady», - dedi fýtbolıst.
Vorotnıkovtan ózge «Qaıratpen» birge jıyndarǵa Raqymjan Rozybakıev, Nursaıyn Joldasov jáne Rýslan Mansurov barmaıdy.
