Ilıa Ilınniń tárbıelenýshileri álem chempıonatynda jeńiske jetti
ASTANA. QazAqparat - Dmıtrıı Shýbaba Bolgarııanyń Blagoevgrad qalasynda ótip jatqan estý organdary buzylǵan sportshylar arasyndaǵy qol kúresinen Álem chempıonatynda kúmis medalǵa ıe boldy, dep habarlaıdy QazAqparat Aqmola oblysy ishki saıasat basqarmasy janyndaǵy Óńirlik kommýnıkatsııalar qyzmetine silteme jasap.
Dmıtrıı Shýbaba jastar jáne ıýnıorlar arasynda qol kúresinen Ulttyq komandanyń qorjynyna álem chempıonatynyń qos medalin saldy.
Dmıtrıı sol qolmen kúreste «qolany» enshilese, oń qolmen saıysta «kúmisti» oljalady.
Sonymen qatar jastar arasynda sol qolmen kúreste aqmolalyq sportshy Danılo Borısov segizinshi, oń qolmen altynshy orynǵa turaqtap, bolashaǵynan mol úmit kúttiretinin baıqatty.
Jigitterdi ataqty armrestler, halyqaralyq deńgeıdegi sport sheberi, Qazaqstan Respýblıkasynyń 13 dúrkin chempıony, eki dúrkin álem chempıony, 8 dúrkin Azııa jeńimpazy, kókshetaýlyq Ilıa Ilın jattyqtyrady.
Esterińizge sala ketsek, jarysta júldelerdi álemniń 75 eliniń 1600-den astam sportshysy sarapqa saldy.
