Ilıa Ilınniń diń jasýshalary donorlyǵyn qoldaýǵa arnalǵan «Ómirge úmit syıla» aktsııasyna qatysýy kútilýde
ASTANA. 27 tamyz. QazAqparat - 28 tamyz kúni búkil respýblıkada GDJ (gemopoezdik diń jasýshalary) donorlyǵyn jáne erikti óteýsiz qan tapsyrý donorlyǵyn qoldaýǵa arnalǵan «Ómirge úmit syıla» aktsııasy bastalady.
Qan donorlary, diń jasýshalary donorlarynyń kómegi onkologııalyq aýrýlarǵa shaldyqqan naýqastar úshin sońǵy múmkindik bolyp tabylady.
QR Densaýlyq saqtaý mınıstrliginiń baspasóz qyzmetinen habarlaǵandaı, aktsııany olımpıadanyń eki dúrkin chempıony Ilıa Ilın, Dúnıejúzilik Densaýlyq saqtaý uıymynyń Qazaqstandaǵy eldik ofısiniń basshysy Melıta Výınovıch, QR-daǵy sheteldik ókildikteriniń dıplomattary, QR Májilis jáne Senat depýtattarynyń qoldaýy josparlanyp otyr.
Ómirde donorlarmen bir qatarda bolamyn deýshilerdi 28 tamyz kúni saǵat 10:00-de Respýblıkalyq transfýzıologııa ǵylymı-óndiristik ortalyǵynyń ǵımaratynda kútedi.
