Ilıa Ilın julqa kóterý jattyǵýynda ekinshi orynda
ASTANA. 5 tamyz. QazAqparat - Qazirgi ýaqytta London Olımpıadasynda 94 keli salmaq sanatynda aýyr atletter arasyndaǵy báseke ótýde.
Bul saıys túrinen Qazaq eliniń namysyn Ilıa Ilın men Almas Óteshev qorǵaýda. Alǵashqy jattyǵýda bizdiń ziltemirshimiz Ilıa Ilın 185 kelini baǵyndyryp, ekinshi orynǵa turaqtady. Al onyń basty qarsylasy reseılik Aleksandr Ivanovt a dál osy salmaqty baǵyndyrǵan bolatyn. Alaıda onyń salmaǵy Ilıadan sál jeńil bolýyna oraı birinshi orynǵa shyǵyp tur.
Al ekinshi ziltemirshimiz A.Óteshev 175 kelilik ziltemirdi yrqyna kóndirip, ázirshe 8 orynǵa turaqtady. Alda serpe óterý saıysy. Bul jattyǵý Ilıanyń oń jańbasyna keletinin eskersek, Olımpıada altynynyń aýyly alys emes sııaqty.
94 kelige deıingi salmaq sanatynda óner kórsetetin Ilıa Ilın Olımpıada chempıony, álemniń erler arasyndaǵy 3 dúrkin, jastar arasyndaǵy 2 márte chempıony. Taldyqorǵanda ótken Qazaqstan chempıonatynda ol 410 kelini baǵyndyrdy: julqa kóterýden - 180, serpe kóterýden - 230 keli.
