Ilıa Ilın Japonııadaǵy týrnırge qatysady
NUR-SULTAN. QazAqparat - Belgili aýyr atlet Ilıa Ilın Japonııa astanasy - Tokıo qalasynda aýyr atletıkadan halyqaralyq týrnırge qatysady. Týrnırde 2020 jylǵy Tokıo Olımpıadasyna beriletin joldamalar sarapqa salynady, dep habarlaıdy QazAqparat tilshisi Qazaqstan aýyr atletıka federatsııasyna silteme jasap.
Halyqaralyq týrnırde bizdiń elimizdiń sapynan úsh atlet qatysady. Ilıa Ilın 109 kelide jarys jolyna shyǵady. Dál osy salmaqta bizdiń elimizdiń atynan Ibragım Bersanov ta baq synaıdy. Sondaı-aq, qyzdar arasynda 87 kelide Larısa Kobeleva atalmysh týrnırge qatysady.
Qazaqstan quramasy sapyndaǵy atletter 7 shilde kúni jarysqa shyǵady dep josparlanyp otyr.
