Ilıa Ilın stýdentterdiń Jazǵy ýnıversıadasyna qatysýy múmkin
ASTANA. 12 aqpan. QazAqparat - Olımpıada oıyndarynyń eki dúrkin chempıony Ilıa Ilın bıylǵy jyly Qazan qalasynda ótetin Jazǵy Ýnıversıada oıyndaryna qatysýy múmkin. Bul týraly «Alamannyń» tilshisine otandyq stýdentter sport federatsııasynyń prezıdenti Qaırat Zakırıanov habarlady.
Onyń aıtýynsha, «Ilıaǵa usynys jasalynyp, qazir ol oılaný ústinde» eken. Jaqynda óz jaýabyn aıtýy tıis. Esterińizge sala keteıik, Ilıa Ilın Ýnıversıada oıyndaryna qatysýǵa tolyq quqyly. Ol qazirde Qazaqtyń sport jáne týrızm akademııasynyń doktoranty bolyp tabylady. Jáne eki dúrkin Olımpıada chempıonynyń kollektsııasynda tek «ýnıversıada chempıony» degen ataq qana joq. «Myqty degen sportshylardyń kóbinde bul ataq bar, Ilıaǵada artyq etpes, ol sol olqylyqtyń ornyn toltyrady degen úmittemin»,-dedi Qaırat Zakırıanov.
