Ilıa Ilın sporttan saıasatqa kete me
ASTANA. QazAqparat - Álem chempıony jáne aýyr atletıkadan rekord ıesi Ilıa Ilın «QazAqparat» tilshisine bolashaqqa jospary jáne sport mansaby aıaqtalǵan soń, saıasatqa ketýdi josparlap otyr ma, joq pa, sol jaıynda aıtyp berdi.
«Álem chempıonatyna jattyqtyrýshy jáne sportshy retinde de qatystym. Aýyr atletıkadan bilimim bar, qazaqstandyq aýyr atletıka federatsııasynda komanda menedjeri bola alatyn edim. Jasym 30-ǵa keldi, ári qaraı ne isteıtinimdi oılaýym kerek. Sportshylarǵa sporttaǵy ómirden keıin qarapaıym ómirge birsaryndy enip ketý ońaı emes. Sondyqtan biraz eńbektenýge týra kelip otyr», - dedi I.Ilın.
Bul rette sportshy bolashaq mansabyn saıasatpen baılanystyrýdy josparlap otyrǵan joq.
«Saıasatqa kelý úshin bilimdi bolyp, kópti kórýiń kerek. Ol úshin kem degende taǵy 10-12 jyl ótýi tıis. Maǵan jaqsy qyzmet usynsa da, ne isteý kerektigin túsiný úshin sporttyq menedjmentti meńgerip alý kerek. Bul óte mańyzdy», - dep sanaıdy sportshy.
I.Ilınniń pikirinshe, qazirgi kezde qazaqstandyq aýyr atletıkada «qaıta júkteý» bolyp jatyr.
«Qazir biz qyzyqty, jańa nárseni qurýǵa talpynyp otyrmyz. Osydan 5 jyl burynǵydaı mol altyn medalǵa qalaı qol jetkizetinimzdi oılastyryp jatyrmyz», - dep atap ótti ol.
Foto: Borıs Býzın
