Ilıa Ilın men Zýlfııa Chınshanlo Aýyr atletıkadan álem chempıonatyna qatysady
ALMATY. QazAqparat- Aýyr atletıkadan álem chempıonatynda Qazaqstan namysyn ziltemirshi Ilıa Ilın men Zýlfııa Chınshanlo qorǵaıdy, dep habarlaıdy QazAqparat tilshisi.
16 qyrkúıek kúni Taılandtyń Pattaıa qalasynda aýyr atletıkadan 85-shi álem chempıonaty ashylady. Osy oraıda, Qazaqstan komandasynyń bapkerler keńesi álem birinshiligine qatysatyn sportshylardy atady.
«Áıelder arasyndaǵy básekede Qazaqstannan eki sportshy baq synaıdy. Olar – Zúlfııa Chınshanlo (55 keli) jáne Ekaterına Bykova (71 keli)», delingen habarlamada.
Qazaqstan erler komandasynyń tizimi:
55 keli: Arlı Chonteı, Igor Son
89 keli: Denıs Ýlanov,
81 keli: Nıhat Rahymov, Aıdar Qazov
96 keli: Ilıa Ilın
109 keli: Ibragım Bersanov.
Pattaıadaǵy álem chempıonaty Olımpıadaǵa irikteý týrnırleriniń sanatyna jatady. 27 qyrkúıek kúni máresine jetetin jarysta erler men áıelder toǵyz medal jıyntyǵyn sarapqa salady.
