Ilıa Ilın men Zýlfııa Chınshanlo álem chempıonatyna qatysatyn boldy
ASTANA. QazAqparat - 2018 jyly aýyr atletıkadan ótetin álem chempıonatyna qatysatyn QR quramasynyń quramy belgili boldy. Tizimde dopıngpen baılanysty jaǵdaıdan soń jarystardan shettetilgen Ilıa Ilın men Zýlfııa Chınshanlo da bar, dep habarlaıdy QazAqparat Qazaqstannyń aýyr atletıka federatsııasynyń baspasóz qyzmetine silteme jasap.
Baspasóz málimetterine qaraǵanda, Ilıa Ilın men Zýlfııa Chınshanlonyń jarystardan shettetilý merzimi aıaqtaldy.
Federatsııanyń saıtynda taratylǵan málimetter boıynsha, jýyrda Qazaqstannyń aýyr atletıka federatsııasynyń keńeıtilgen bapkerler quramynyń keńesi ótti. Oǵan federatsııa basshylyǵy men ulttyq quramanyń bapkerler shtabynyń ókilderi de qatysty. Jıyn barysynda Ashhabadta ótetin álem chempıonatyna daıyndyq barysy men osy sharamen baılanysty mańyzdy máseleler talqylandy. Sondaı-aq álem chempıonatyna Qazaqstan atynan baratyn sportshylardyń tizimi bekitildi.
«Federatsııa atyna IWF uıymynan Ashhabadta ótetin álem chempıonatyna tizimdegi barlyq sportshylardyń qatysýyna ruqsat berilgendigin rastaıtyn qujat keldi. Barshaǵa málim, aldaǵy chempıonat qazaqstandyq aýyr atletterdiń jarystardan shettetilgennen keıingi alǵashqy halyqaralyq básekesi bolmaq. Jarystardan shettetilý merzimi aıaqtalmaı turyp bizge birqatar talaptar men mindettemelerdi oryndaý týraly arnaıy shart qoıylǵan bolatyn. Biz olardyń barlyǵyn tolyǵymen oryndadyq jáne bizge joldanǵan qujat osy sózimizdiń jarqyn dáleli. Qoryta aıtqanda, biz bekitken ulttyq qurama jýyrda ótetin álem birinshiligine tolyq qatysady»,-dedi Aýyr atletıka federatsııasynyń bas hatshysy Alekseı Golovın.
Osylaısha, dúbirli dodaǵa ulttyq qurama sapynda myna sportshylar óner kórsetetin boldy:
Erler:
Arlı Chonteı, 55 kılogramǵa deıin
Farhad Harkı, 67 kılogramǵa deıin
Nıjat Rahımov 73 kılogramǵa deıin
Aıdar Qazov 81 kılogramǵa deıin
Denıs Ýlanov 89 kılogramǵa deıin
Rústem Sybaı 96 kılogramǵa deıin
Ilıa Ilın 102 kılogramǵa deıin
Aleksandr Zaıchıkov 109 kılogramǵa deıin
Ibragım Bersanov 109 kılogramǵa deıin
Eldos Saılaý +109 kg.
Áıelder:
Zýlfııa Chınshanlo 55 kılogramǵa deıin
Sáýle Sadýaqasova 59 kılogramǵa deıin
Ásem Sadyqova 64 kılogramǵa deıin
Karına Gorıcheva 64 kılogramǵa deıin
Nadejda Lıhacheva 71 kılogramǵa deıin
Ekaterına Stolıarenko 71 kılogramǵa deıin
Ekaterına Bykova 76 kılogramǵa deıin
Raýshan Meshıthanova 87 kılogramǵa deıin
Aızada Mýptılda +87 kg
Aleksandra Aborneva +87 kg
Aıta keteıik, 2018 jyly aýyr atletıkadan álem chempıonaty IWF uıymynyń 2018 jyldyń shildesinde qabyldaǵan jańa kórsetkishter boıynsha ótedi.
