Ilıa Ilın Qazaqstannyń eki rekordyn jańartty
ASTANA. QazAqparat - Qazaqstan Respýblıkasynyń armlıftıng boıynsha chempıonatynda kókshetaýlyq Ilıa Ilın eki birdeı rekord ornatty, dep habarlaıdy QazAqparat tilshisi Aqmola oblysynyń dene shynyqtyrý jáne sport basqarmasynyń baspasóz qyzmetine silteme jasap.
Aqmola oblysynyń atynan shyqqan Ilıa Ilın «Rýsskaıa Rýletka» tártibi boıynsha 88 kelini, odan keıin 93 keli salmaqty kóterdi. Osylaısha, ol buryn 83 keli bolǵan Qazaqstannyń rekordyn jańartyp otyr.
Sonymen qatar, aqmolalyq jigit «Rýsskaıa Os» tártibi boıynsha 180 jáne 190 kelini baǵyndyrdy. Buryn Qazaqstannyń rekordy - 135 keli bolatyn.
Osylaısha, Ilıa Ilın halyqaralyq dárejedegi sport sheberi normatıvin oryndady.
Armlıftıng - kúshti talap etetin sporttyń jańa sport túrleriniń biri. Armlıftıngtiń sharty - dıametri 60 mıllımetr bolatyn yńǵaısyz temirdi kóterý bolyp tabylady. ıAǵnı, oǵan bekitilgen aýyr domalaq temirlerdi sportshy kóterýi tıis. Bir qaraǵanda asa qıyn sport túri bolmaǵanymen, sportshynyń qol býyny synalatyn sporttyń túrine qyzyǵýshylyq artyp keledi.
