Ilıa Ilın Qazaqstan sportshylar odaǵynyń fılıalyna basshylyq etetin boldy
QYZYLORDA. QazAqparat – Qazaqstandyq aýyr atlet Ilıa Ilın Qazaqstan sportshylar odaǵy Qyzylorda oblystyq fılıalynyń basshysy boldy, dep habarlaıdy QazAqparat.
«Búgin sizdermen jaqsy jańalyqpen bóliskim kelip otyr. Men Qazaqstan sportshylar odaǵynyń @sportodagy Qyzylorda oblysy boıynsha fılıalyn basqara bastadym… Týǵan óńirimde sportty damytý boıynsha úlken josparlarym bar. Óz aldyma úlken maqsattar qoıyp otyrmyn jáne olardy mindetti túrde júzege asyramyz dep úmit artamyn!», - dep jazdy I.Ilın Instagram-daǵy paraqshasynda.
Sondaı-aq sportshy atalmysh fılıal resmı túrde 2020 jyldyń 1 qyrkúıeginde tirkelgenin málim etti.
Aıta keteıik, búginde Ilıa Ilın Qyzylorda oblystyq Dene shynyqtyrý jáne sport basqarmasyna qarasty «Muz aıdyny» sport kesheniniń dırektory.
