Ilıa Ilın qaırymdylyqpen aınalysa beretin bolady
ASTANA. KazAqparat - Aýyr atletıkadan eki dúrkin Olımpıada chempıony Ilıa Ilın óziniń qaıyrymdylyq sharalaryna qatysty qatynasy týraly aıtyp berdi, dep habarlaıdy QazAqparat.
«Negizinde men qaıyrymdylyqpen ózim oılaǵan dárejedegideı aınalysyp júrgen joqpyn. Men sporttyq kareramdy endi ǵana aıaqtap, memlekettik qyzmetker ne bolmasa bıznesmen bolamyn. Qaıyrymdylyq degen bul rýhanı dúnıemen baılanysty. Túptep kelgende ár adam kúnde bir qaıyrymdylyq jasaıdy. Ol óziniń jaqyndary úshin, balasy úshin, tipti dosy úshin de bolýy múmkin. Ár adam ómrinde osyndaı bir áreket jasaýy kerek. Qaıyrymdylyq men úshin adamdardy biriktiretin faktor. Eger siz bireýge birdeńeńizdi bere alatyn bolsańyz, Siz ony eshqandaı qaıtarymsyz isteýińiz kerek. Bul beıbit ómir úshin qajet»,-dedi sportshy jýrnalısterge Qazaqstan Táýelsizdiginiń 25 jyldyǵyna arnalǵan «Meıirimdilik kerýeni» atty qaıyrymdylyq kórsetýshilerdiń ekinshi forýmynda.
Aqparat quraldary ókilderiniń tabandy suraýynyń arqasynda Ilın óziniń bir jaqsy is istegeni týraly aıtyp berdi. Bul rette ol óziniń jasaǵan jaqsylyqtary týraly kóp aıtýdy unatpaıtyndyǵyn da eskerte ketti.
«Beıjiń Olımpıadasynyń syılyǵyna men sport alańyn saldym. Ol jerde qazir balalar jattyǵyp júr. Bul alań men ómirge kelgen perzenthananyń mańynda ornalasqan. Onyń qurylysyna jan-tánimmen meniń ózim de qatystym. Keıde balalardyń onda oınap júrgenderin kórgende ishteı osyndaı jaǵdaıdyń qalyptasýyna meniń de bir qosqan úlesim bolǵan eken ǵoı dep tańqalyp ta qoıamyn. Men ózimniń beıbitshilik pen tynyshtyq saltanat quryp jatqan kishkentaı ǵana ómirimde kúnde az da bolsaq jaqsy is isteýge tyrysamyn. Óıtkeni meıirimdilik - meniń ómirimniń qozǵaýshy kúshi»,-deıdi ol.
Aıta keteıik, túptep kelgende Ilın qaıyrymdylyqpen aıtarlyqtaı belsendi aınalysady. Ol kómekti qajet etetinder úshin uıymdastyrylǵan aktsııalar men velojarystarǵa jáne ózge de túrli sharalarǵa qatysyp turady.
Jaqynda Halyqaralyq Olımpıadalyq komıtet Ilıa dopıng qoldandy degen kúdikpen chempıonnyń medaldaryn qaıtaryp alatynyn jarııa etti. Qazaqstandyqtar sportshyǵa qoldaý kórsetip otyr.
