Ilıa Ilın kásibı qupııalarymen bólisti
ASTANA. QazAqparat - Tanymal qazaqstandyq sportshy, eki dúrkin Olımpıada chempıony Ilıa Ilın aýyr atletter úshin sheberlik saǵatyn ótkizdi, dep habarlaıdy QazAqparat.
Bul týraly ol óziniń Instagram. paraqshasynda jazdy
Jarııalanǵan beınekóriniste onyń aýyr atletıkadaǵy túrli jattyǵýlardy qalaı jasaý qajettigin kórsetip jatqandyǵyn kórýge bolady.
Ilınniń sózinshe, ol bul sport túrinen alǵashqy jattyǵýlaryn óziniń aǵasynyń kórsetýi boıynsha jasaı bastaǵan. Chempıonnyń aǵasy Alekseı Ilın aýyr atletıkamen kásibı túrde aınalysyp, Qazaqstannyń birneshe dúrkin chempıony atanǵan.
«Men ózimniń jetistikterim úshin aǵama alǵysymdy bildiremin. Ol meni aýyr atletıkaǵa úıretip, negiz qalady. Ol meni durys baǵytpen júrýge úıretti jáne maǵan qatty úmit artty»,-dedi «Aktau Open Fest» festıvalinde Ilıa Ilın.
