Ilıa Ilın dopıng daýy týraly: Ne bolyp jatqanyn ózim túsiner emespin
ASTANA. QazAqparat - Qazaqstandyq aýyr atlet Ilıa Ilın HOK sheshimi boıynsha aǵzasynda tabylǵan stanozolol týraly oıyn aıtty, dep habarlaıdy «QazAqparat» HAA tilshisi.
«Stanozolol týraly... Men ne bolyp jatqanyn ózim de túsiner emespin. Resmı nusqa boıynsha(...) Biz ártúrli sporttyq taǵamdardy qabyldaımyz.Bálkim, máseleniń bári osynda bolar. Kóp ýaqyt ótti. Suraqtar óte kóp. Jaýabyn bilsem, qýana-qýana jaýap berer edim. Biraq, jaýap bere almaımyn», - dedi Ilıa Ilın OKQ-da ótken baspasóz máslıhatynda.
Sondaı-aq, sportshy «Alekseı Nı bilip, al siz stanozololdy qabyldap júrgenińizdi bilmeýińiz múmkin be edi» degen suraqqa jaýap berdi.
«Joq. Men stanozolol týraly bireý bildi nemese ekinshi adam bilmedi dep aıta almaımyn. Ókinishke qaraı, bári osylaı aınaldy. Eki jylǵa shettetildim. Demek, birdeńe boldy. Tapty. Endi ne isteı alasyń.Alǵa jyljý kerek», - deıdi Ilıa Ilın.
Eske sala ketsek, Halyqaralyq olımpıada komıteti eki dúrkin olımpıada chempıony, qazaqstandyq aýyr atlet Ilıa Ilındi Beıjińdegi jáne Londondaǵy altyn medaldarynan aıyrý týraly sheshim shyǵarǵan bolatyn. HOK-tyń tártip komıssııasynyń sheshimine sáıkes «A» jáne «V» dopıng synamasynyńqorytyndysy boıynsha eki jazǵy Olımıada oıyndarynda chempıon atanǵan qazaqstandyq sportshy Ilıa Ilınniń buǵan deıingi kórsetkishteri joıylǵan edi.
