Ilıa Ilın doktorlyq dıssertatsııa qorǵady
ASTANA. QazAqparat - Búgin Qazaq sport jáne týrızm akademııasynda fılosofııa doktory (PhD) ǵylymı dárejesin alý úshin dıssertatsııa qorǵaldy.
Dene shynyqtyrý jáne sport mamandyǵy boıynsha bilim alyp júrgen Ilıa Ilın «Joǵary kásibı aýyr atletterdi daıarlaýdyń ǵylymı-ádistemelik negizdemesi» taqyrybyndaǵy jumysyn usyndy.
Bilim alý jyldarynda Ilın 13 ǵylymı eńbegin jarııalaǵan, sonyń biri Scopus málimetter bazasyna, tórt maqala Baqylaý komıtetiniń jýrnalyna, bir jumysy - aýyr atletıkadan oqýlyqqa engizildi.
Ilıa Ilınniń ǵylymı keńesshisi, pedagogıka ǵylymdarynyń doktory, QazSTA-nyń professory, Halyqaralyq aqparattandyrý akademııasynyń akademıgi Stanıslav Haýstov Ilındi talapty, maqsatyna umtylǵan stýdent retinde sıpattady.
Ǵylymı ataqty alýshynyń sheteldik keńesshisi, «Vasıl Levskı» (Bolgarııa) Ulttyq sport akademııasynyń professory Kolev Nıkolaı Nedkov dıssertatsııalyq jumystyń mańyzdylyǵyn, jańashyldyǵyn joǵary baǵalaı kele, onyń joǵary praktıkalyq ózektiligin de atap ótti.
Keńestiń biraýyzdan qabyldaǵan sheshimi boıynsha Ilıa Ilınge fılosofııa PhD doktory ǵylymı ataǵy berildi.
