Ilıa Ilın densaýlyǵy týraly shyndyqty aıtty
ASTANA. QazAqparat - Qazaqstandyq aýyr atlet Ilıa Ilın Instagram paraqshasynda densaýlyǵy týraly aqparatty bólisip, 2020 jyly Tokıoda ótetin Olımpıada oıyndarynda altyn medaldy jeńip alýǵa úmit etetinin málimdedi, dep habarlaıdy Sports.kz.
«Dárigerge bardym. Sóılestik. Omyrtqa jotamnyń úsh jeri zaqymdanǵan eken. Bálkim, bul týraly post jazatyn shyǵarmyn, oılanyp kóremin. Biraq, dáriger jaqsylap jumys isteý qajet ekenin aıtty... Qarapaıym adamǵa múmkin emes, al maǵan bolady. Óıtkeni, meniń maqsatym bar, oǵan jetýge tıispin... Aldymen bir aı ziltemirsiz fızıoterapııa, em-dom jasap, bulshyqetterimdi somdap, sosyn satylaı aýyr atletıkaǵa kóshý qajettigin uqtyrdy. Osy jerde onymen kelisemin, kóp rahmet oǵan, ol jaqsy adam. Men sportshymyn, tek alǵa júrýge tıispin. Komandam jaqsy, olar maǵan kómektesedi, búkil elim qoldap turǵanda, altyn medaldy jeńip alamyz! Barshańyzǵa meni ýaıymdap, qoldaǵandaryńyz úshin kóp rahmet! Bul men úshin asa mańyzdy! Tokıo Olımpıadasyna qaraı jyljı beremiz», - dep jazdy Ilın.
