Ilıa Ilın bizge áli Londonnan da altyn alyp beredi - Prezıdent
sp;ASTANA. Qarashanyń 13-i. QazAqparat /Aıdar Ospanalıev/ - «Olımpıada chempıony Ilıa Ilın jeńimpaz atanǵanda biz onyń aıaǵyn jerge tıgizbeı kóterip júrdik.
Al qazir onyń densaýlyǵy syr bergen jáne náresteli bolǵan. Chempıon sporttyq jattyǵýlarynan ýaqytsha bas tartqan. Biz bolsaq, oǵan renjigendeı syńaı tanytamyz. Bul durys emes», dedi Elbasy Nursultan Nazarbaev turǵyndardyń tikeleı jeli arqyly joldanǵan saýaldaryna jaýap berý kezinde.
Prezıdenttiń aıtýynsha, I.Ilın azdaǵan qıyndyqtarǵa tap bolǵan kezde sport salasyndaǵy sheneýniktermen kelise almaǵan. «Men keshe Týrızm jáne sport mınıstri Temirhan Dosmuhambetovke osy máselemen aınalysý jóninde arnaıy tapsyrma berdim. I.Ilın ataq, dańqqa laıyqty jigit. Ol jas. Múmkin áldebir kemshilikter jibergen bolar. Biz onyń betinen qaqpaı, kerisinshe, barynsha qoldaýymyz qajet. Ilıa áli bizge Londonnan da altyn alyp beredi», dedi Memleket basshysy.
Osy sózinen soń sport salasynyń mamandaryna narazylyǵyn bildirgen Prezıdent «Osynyń barlyǵy da sport salasyndaǵy sheneýnikterdiń kemshilikteri», dep atap kórsetti.
