Ilıa Ilın barlyq qazaqstandyqtardy jańa jylmen quttyqtady

«Barlyqtaryńyzdy jańa jylmen quttyqtaımyn! Barlyǵymyz baqytty bolaıyq, bári de jaqsy bolsyn, elimizge molshylyq, tabys, amandyq tileımin, álemde beıbitshilik jasasyn», - dep óz tilegin I.Ilın QazAqparat arqyly jetkizdi.

Ol bıylǵy jylǵy merekeni Qyzylordada turatyn ata-anasynyń dastarhanynda qarsy alatynyn aıtty. «Jubaıym men qyzymmen birge Qyzylordaǵa, ata-anamnyń úıine baramyn. Týǵan qalamda jańa jyldy atap ótpegeli bes jyl boldy. Bıyl Ilınderdiń búkil otbasyn jańajyldyq ústel basynda qospaqshymyn», - dep atap ótti I.Ilın.

Olımpıada chempıony óziniń balalyq shaǵy kezindegi jańajyldyq merekelerin umytpaǵan. «Balalyq shaǵym sporttyq boldy. Balalar men jasóspirimder sport mektebindegi shyrsha merekeleri, tátti syılyqtar - bári esimde. Al eń basty syılyq aýyr ziltemir boldy», - deıdi ol.