Ilıa Ilın: Azdap bokspen aınalysa bastadym
ASTANA. 20 qańtar. QazAqparat - Ilıa Ilın "Astana Arlans" komandasy altynshy jeńisine jetken Álemdik boks serııasynyń matchyn tamashalaýǵa keldi.
Eki dúrkin Olımpıada chempıony «arlandar» men «atamandardyń» aıqastaryn Balýan Sholaq atyndaǵy Sport saraıynyń VIP-ornynda otyryp tamashalady.
- Men kásibı bokspen endi-endi tanysyp kelemin. Al «Astana Arlanstyń» matchyna meni jaqsy dosym, «Astana» kásibı sport klýbynyń bas menedjeri Aıdar Mahmetov shaqyrdy. Bul klýbqa «Astana Arlans» komandasy da kiretinin bilesizder, dedi Vesti.kz saıtyna suhbat bergen aýyr atletshi.
- Kórgen kezdesýler boıynsha ne aıta alasyz?
- Barlyǵy tashama! Jigitter ózderin aıamaı judyryqtasýda.
- Qazir nemen aınalysýdasyz?
- Jattyǵýlarǵa oraldym, daıyndalýdamyn, oqý ústindemin. Jalpy, óz-ózimdi barlyq baǵyttar boıynsha damytyp jatyrmyn. Olımpıadadan keıin birshama ýaqyt ótti, tynysh jaǵdaıda jattyǵa alatyn kez týyndady.
- «Kásibı boks áleminen kimderdi bilesiz?
- Buryn oǵan qatty qyzyqpaıtynmyn. Biraq meniń jaqsy dostarym, Olımpıada chempıondary Serik Sápıev pen Baqyt Sársekbaev ta boksta naǵyz sheberler.
- Olar sizdi bokstyń ádisterine úıretken joq pa?
- Men taıaýda azdap bokspen aınalysa bastadym. Basynda, jekpe-jek týraly oılandym, biraq jigitter meni birneshe klassıkalyq soqqyǵa úıretetindigin aıtty. Olardy azdap bilip qaldym!
