Ilıa Ilın áıel ustazdardy merekemen quttyqtady
QYZYLORDA. QazAqparat- 5 naýryz kúin Qyzylorda qalasynyń ákimi Nurlybek Nálibaev Halyqaralyq áıelder kúni merekesine oraı ustazdar qaýymyn quttyqtady, dep habarlady QazAqparat tilshisi.
Merekelik sharaǵa qala mektepterinen 300-ge jýyq ustaz ben bilim salasynyń ardagerleri qatysty.
«Búgingi qoǵamda názik jandylar san túrli salanyń qyr - syryn meńgergen. Ásirese, bilim salasynda ulaǵattylyqtyń uly jolyn tańdaǵan ustazdar qaýymynda - názik jandylardyń alar orny erekshe. Bul sózimniń bir ǵana dáleli, qazirgi tańda qala mektepterinde 6 myńnan astam ustaz qyzmet etse, solardyń 90 paıyzyn názik jandylar quraıdy. Bul degenimiz, áıel ustazdardyń elimizdiń eń basty baılyǵy - adamı kapıtalyn damytý jolynda, ıaǵnı óskeleń urpaqqa bilim berý jolyndaǵy belsendiligi, bedeli men mártebesiniń kórinisi», - dep atap ótti qala ákimi.
Sonymen qatar, Syr eliniń birqatar atpal azamattary QR «Atameken» ulttyq kásipkerler palatasynyń Komıtet tóraǵasy Murat Ábenov, QR Parlamenti Májilisiniń depýtaty Gennadıı Shıpovskıh, aýyr atletıkadan birneshe dúrkin álem chempıony, Qazaqstan Respýblıkasyna eńbegi sińgen sport sheberi Ilıa Ilın sahnada ornatylǵan ekran arqyly ustazdar qaýymyna júrekjardy tilekterin joldady.
Shara barysynda shahar basshysy 20 ardager ustazǵa arnaıy ázirlengen syılyqtardy tabystap, bilim salasynda eńbegimen elengen 10 muǵalimdi túrli nomınatsııalar boıynsha marapattady. Taǵy 101 pedagog qalalyq bilim bóliminiń gramotalarymen atap ótildi.
Qatysýshylardyń barlyǵy qala ákiminiń atynan gúl shoqtaryn aldy.
