Ilıa Ilın AlmatydaǵyÁlem chempıonatyna ázirlik týraly áńgimelep berdi
BÝHAREST. QazAqparat - Qazaqstannyń ataqty aýyr atleti Ilıa Ilın Almatyda ótetin álem chempıonatyna daıyndyq jóninde QR aýyr atletıka federatsııasy basshylyǵy aldynda esep berý úshin Býhareste qazaqstandyq «KazMunayGas International» munaı-gaz kompanııasynyń bas keńsesinde boldy.
Kásibı mereke - jyl saıyn qyrkúıektiń basynda atalyp ótiletin Munaı salasy qyzmetkerleriniń kúnimen tuspa-tus kelgen sapar kezinde eki dúrkin Olımpıada chempıony, álemniń úsh dúrkin chempıony jáne eki dúrkin Azııa oıyndarynyń chempıony I.Ilın óziniń shákirtteri - jas jáne bolashaǵy zor Qazaqstannyń aýyratletteri Denıs Ýlanovpen jáne Aleksandr Zaıchıkovpen birge kompanııa qyzmetkerlerimen - jankúıerlerimen kezdesti. Ol barlyǵyn kásibı merekemen quttyqtady.
«Men sizderdiń barlyǵyńyzben kezdeskenime qýanyshtymyn. Sizderdi kásibı merekelerińizben quttyqtaımyn. Barlyq alǵa qoıǵan mindetterdi oryndaýda tabysqa jetýlerińizge tilektespin. Al biz sizderdiń qastaryńyzdamyz, óz jeńisterimizben kómektesetin bolamyz», - dedi I.Ilın kezdesý kezinde. Óz kezeginde «KMG International» bas dırektory, Qazaqstannyń aýyr atletıka federatsııasynyń prezıdenti Janat Túsipbekov sportshylarymyzdyń jeńisterin maqtanysh etetinin bildirdi jáne aldaǵy jarystarda olarǵa sáttilik tiledi.
«Qazaqstannyń aýyratletteriniń jetistikteri álem jurtshylyǵynyń aýzynda júr. Bizderde óz úıimizde sheberligimizdi kórsetýdiń jaqsy múmkindigi týyp tur. Sizderge sáttilik tileımn, jigitter! Biz Otannan jyraqta, osy jerde sizderge jankúıer bolamyz», - dedi J.túsipbekov. Qazaqstandyq aýyratlet Inchhondaǵy (Koreıa) aldaǵy Azııa oıyndardaryna jáne Almaty qalasynda 4-19 qarasha kúnderi ótetin 2014 jylǵy Álem chemıonatyna ázirlik týraly esep berdi. 2014 jylǵy Almaty qalasynda ótetin Álem chempıonaty 2016 jylǵy olımpıada oıyndaryna qatysýǵa úmitkerlerdi tańdaýda mańyzdy irikteý kezeńi bolmaq. Bul sharaǵa álemniń 80-den astam elinen 300-500 sportshy qatysýy josparlanyp otyr.
