Ilıa Ilın Almatydaǵy álem chempıonatynyń úzdik atleti atandy
ASTANA. QazAqparat - Qazaqstandyq aýyratlet, tórt dúrkin álem chempıony, eki dúrkin Olımpıada chempıony Ilıa Ilın Almatyda ótken álem birinshiliginiń qorytyndysymen úzdik atlet bolyp tanyldy.
«Men eń úzdikpin!!! Maǵan jankúıer bolǵandardyń bárine rahmet! Bul bizdiń jeńisimiz!!!!», - dep jazdy Ilıa óziniń Instagram-daǵy paraqshasyndaǵy sýretke túsindirmesinde, sýrette ol 2014 jylǵy álem birinshiliginiń úzdik atlet kýbogyn qolyna ustap tur.
Eske sala keteıik, senbi kúni Almatydaǵy aýyr atletıkadan álem chempıonatynda Ilıa Ilın tórtinshi dúrkin álem chempıony atandy, ol óziniń jańa salmaǵy - 105 kelide altyn medaldi jeńip aldy.
Qossaıysta Ilıa ılın 432 kelini (190+242) kóterdi. Ekinshi orynda ózbekstandyq Rýslan Nýrýdınov - 432 keli (193+239), úshinshi orynda reseılik Davıd Bedjanıan - 427 keli (187+240).
Qazaqstan quramasy jalpy komandalyq úshinshi orynǵa ıe boldy. Bizdiń aýyratletter úsh altyn jáne eki kúmis medalǵa ıe boldy.
