Ilıa Ilın álem chempıonatynda júldesiz qaldy
NUR-SULTAN. QazAqparat – Taılandtyń Pattaııa qalasynda aýyr atletıkadan ótip jatqan álem chempıonatynda Ilıa Ilın júldesiz qaldy, dep habarlaıdy QazAqparat tilshisi.
Atalǵan birinshilikte búgin 96 keli salmaqta Ilıa Ilın synǵa tústi. Alaıda ol álem chempıonatyn bar bolǵany 13-shi orynmen aıaqtady. Ol qossaıys qorytyndysy boıynsha (168+195) 363 kelini baǵyndyrdy.
Esterińizge sala keteıik, aýyr atletıkadan álem chempıonatynda osyǵan deıin 55 keli salmaqta qazaqstandyq Igor Son kúmis júldeger atanǵan bolatyn.
Sondaı-aq, erler arasynan Arlı Chonteı (55), Nıjat Rahımov, Aıdar Qazov (81) pen Denıs Ulanov (89) synǵa túsip barlyǵy júldeli oryndarǵa qol jetkize almady. Al áıelderden baq synaǵan Zýlfııa Chınshanlo (55) tórtinshi orynǵa ıe bolsa, Ekaterına Bykova (71) jetinshi orynmen álem birinshiligin aıaqtady.
Endi, Qazaqstan quramasy sapynan 26 qyrkúıekte sońǵy bolyp jarys alańyna Ibragım Bersanov (109 keli) shyǵady.
