Ilıa Ilın Álem chempıonatyna qatysa ala ma
ASTANA. QazAqparat - QR aýyr atletıka federatsııasynyń atqarýshy dırektory Aldııar Nuralınov Ilıa Ilınniń 2018 jylǵy Álem chempıonatyna qatysý-qatyspaýy týraly málim etti, dep jazady sports.kz.
«Onyń jaraqaty biz úshin qupııa emes jáne Ilıany keıde mazalap júrgenin de bilgenbiz. Sońǵy kúnderi jaraqaty qatty sezildi, sondyqtan Ilıanyń chempıonatqa qatysýdan bas tartýy múmkin ekendigi jaıly ótinishi biz úshin jańalyq bolǵan joq.
Degenmen Ashǵabadta aıaqtalǵan tolyq medıtsınalyq tekserý qorytyndylaryn kútý týraly sheshim qabyldandy. MRT taldaýy Ilıada protrýzııadan basqa, emdelýi qajet moıyn jaryǵy bar ekeni anyqtaldy. Sondyqtan aldaǵy kúnderi ol úshin qajetti emdeý kýrsy anyqtalyp, barynsha qoldaý kórsetiledi.
Atlettiń daıyndyǵy men ózin sezinýi óte jaqsy, biraq dıagnoz sebebimen ol Álem chempıonatyna qatysa almaıdy.
Qazirgi kezde bizdiń mindetimiz - onyń qalpyna kelýi úshin qajetti jaǵdaıdyń bárin jasaý. Mamandardyń aıtýynsha, buǵan bir aıǵa jýyq ýaqyt ketedi. Odan keıin Ilıa jattyǵýǵa qaıta orala alady», - dedi Nuralınov.
