Ilıa Ilın «2012 jyldyń eń úzdik sportshysy», al Nursultan Rahatov «jyldyń eń úzdik jas sportshysy» bolyp tanyldy
ASTANA. 21 jeltoqsan. QazAqparat - Jalpy Qazaqstan jankúıerleriniń tańdaýy boıynsha bıylǵy jyldyń úzdik sportshysy anyqtaldy. Bundaı saýalnamany «Alaman» agenttigi oqyrmandardyń daýys berýi arqyly jasady.
Oqyrman tańdaýy boıynsha Ilıa Ilın «2012 jyldyń eń úzdik sportshysy» atanyp otyr. Myńǵa jýyq oqyrman daýys bergen saýalnama qorytyndysy boıynsha aýyr atlet Ilın 50% daýys ıelendi. Al ekinshi oryndy boksshy Serik Sápıev enshiledi. Oǵan oqyrmandardyń 28%-y daýys bergen. Úzdik úshtikti Aqjúrek Tańatarov ıelendi (8%).
Sondaı-aq oqyrmandarynyń tańdaýy boıynsha jas aýyr atlet Nursultan Rahatov «jyldyń eń úzdik jas sportshysy» ataǵyn jeńip aldy. Oǵan oqyrmandarymyzdyń 27%-y daýys bergen. Ekinshi orynda shahmatshy Jansaıa Ábdimálik (23%). Anna Nurmuhambetova úzdik úshtikke endi (19%).
