Ilın, Podobedova, Maneza, Chınshanlo - álemdik reıtıngte kóshbasshy
ASTANA. 4 qyrkúıek. QazAqparat - Halyqaralyq aýyr atletıka federatsııasy London olımpıadasynan keıin sportshylardyń reıtıngin jarııalady. Qazaqstandyq tórt olımpıada chempıony kósh basynda tur. Bul jaıynda «Alaman» sport agenttigi habarlap otyr.
Áıelder arasynda 53 kelide Zúlfııa Chınshanlo reıtıngtiń birinshisi satysynda tur. Taıpeılik Sıýı Shýtszın ekinshi, Krıstına Iový (Moldova) úshinshi orynǵa jaıǵasqan. Taǵy bir qazaqstandyq Gúlsara Tólegenova - 35 orynda.
63 kelide Maıa Maneza reıtıngtiń basynda, al Karına Gorıcheva onynshy orynda tur. Ekinshi-úshinshi satyǵa Deng Menrong (Qytaı) jáne Joý Venıý (Qytaı) jaıǵasqan. Al álem chempıony, olımpıadanyń kúmis júldegeri Svetlana Tsarýkaeva besinshi satyda. Osy salmaqtaǵy basqa qazaqstandyqtardyń orny: Faına Sybanbaeva - 17, Sáýle Sádýaqasova - 26 oryn.
69 kelide Anna Nurmaǵambetova segizinshi, al Jazıra Japparqul on birinshi orynǵa jaıǵasqan.
75 kelide Svetlana Podobedovanyń shoqtyǵy bıik. Gúlnaz Naýryzova - 24 satyda tur.
+75 kelide Aleksandra Aborneva on úshinshi orynda.
Erler arasynda Ilıa Ilın 94 keliniń úzdigi. Aleksandr Ivanov (Reseı) pen Anatolıı Kyrykýdy (Moldova) artqa tastaǵan. Almas Óteshov jetinshi orynda tur.
Basqa salmaqtaǵy atletterimizdiń nátıjesi tómendegideı:
62 kg - Erbolat Jolamanov - 26 oryn.
69 kg - Ádilbek Balqaev - 59 oryn
77 kg - Nursultan Rahatov - 17 oryn. Kırıll Pavlov - 31 oryn
85 kg - Ermek Ómirtaı - 36 oryn. Erbol Meırmanov - 56 oryn.
105 kg - Ibragım Bersanov - 10 oryn. Aleksandr Zaıchıkov - 25 oryn.
+105 kg - Dmıtrıı Kaplın - 40 oryn.
