Ilın men Chınshanlo «Azııanyń úzdik 20 sportshysy» tizimine endi
ASTANA. 7 qarasha. QazAqparat - Qazaqstandyq Zúlfııa Chınshanlo men Ilıa Ilın «Azııa qurlyǵynyń eń úzdik 20 sportshysy» tizimine endi.
«Alaman» sport agenttiginiń málimetinshe, Azııa Olımpıada komıteti 8 qarashada Makaoda qurlyqtyń myqty degen 20 sportshysyn (10 er, 10 áıel atlet) arnaıy marapattamaq.
Osy oraıda, Halyqaralyq aýyr atletıka federatsııasy Chınshanlo, Ilınniń osy tizimge engenin málimdedi. Bizdiń sportshylardan bólek ırandyq Vehdad Salım Kordasıabı (+105 keli) men Ýn Gýk Kım (KHDR, 62 kg) de «20 úzdik sportshynyń» qataryna kiripti. Bul ekeýi de aýyr atletıkadan bıylǵy Olımpıada chempıondary.
Atap aıtqanda úzdikterdiń qataryndaǵy tórteýi belgili. Qalǵan 16 myqty 8 qarashada anyqtalady. Olardyń ishinde Qazaqstannyń sporshylary Serik Sápıev jáne Olga Rypakova bolýy múmkin.
