Ilın 2020 jylǵy Olımpıadada álem rekordyn jańartpaq
NUR-SULTAN. QazAqparat - Qazaqstannyń belgili aýyr atleti Ilıa Ilın Tokıo týrnırinde kórsetken ónerine baǵa berip, 2020 jylǵy Olımpıadadaǵy basty maqsatyn atady, dep habarlaıdy Sports.kz.
«Kórsetken ónerime kóńilim toldy. 170 kılogramǵa azǵana jetpeı qaldy, áli jumys isteıtin tustar barshylyq. Jyldyń sońyna qaraı, álem chempıonatyna deıin bárin retteýim kerek. Eger Olımpıadaǵa joldama alsam, onda rekord jasaýǵa áreket etemin. 11 shildede bazaǵa baryp, jumysqa kirisemiz», - deıdi Ilın.
Sportshy jaqyn aradaǵy jarystarǵa qatysýy týraly da aıtyp ótti.
«15 tamyzda Taldyqorǵanda Qazaqstan halqy Spartakıadasy bolady. Sol jerde 172-173 jáne 210 kg kóterýdi josparlap otyrmyn», - deıdi atlet.
