Ilham Álıev Qasym-Jomart Toqaevty saılaýdaǵy jeńisimen quttyqtady

ASTANA. QazAqparat - Memleket basshysy Ázerbaıjan Prezıdenti Ilham Álıevpen telefon arqyly sóılesti, dep habarlaıdy QazAqparat BORT №1 Telegram-arnasyna silteme jasap.

Ázerbaıjan Respýblıkasynyń Prezıdenti Ilham Álıev Qasym-Jomart Toqaevty kezekten tys Prezıdent saılaýyndaǵy aıqyn jeńisimen quttyqtady.

Óz kezeginde Qasym-Jomart Toqaev Bakýge resmı sapary kezinde qol jetkizgen ýaǵdalastyqtar ekijaqty qarym-qatynasty jan-jaqty nyǵaıtýda basty baǵdar bolatynyn atap ótti.

Memleketter basshylary sondaı-aq qazaq-ázerbaıjan strategııalyq seriktestigin odan ári damytý jónindegi birlesken mindetterdi talqylady.

Foto: akorda.kz