Ilham Álıev Elbasynyń eki el qarym-qatynasyn damytýdaǵy rólin joǵary baǵalady

ASTANA. QazAqparat - Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev Ázerbaıjan Respýblıkasynyń Prezıdenti Ilham Álıevpen telefon arqyly sóılesti, dep habarlaıdy Aqordanyń baspasóz qyzmeti.

Ilham Álıev Nursultan Nazarbaevtyń Qazaqstan Respýblıkasynyń Prezıdenti ókilettigin toqtatý týraly sheshim qabyldaýyna oraı shynaıy qımastyq nıetin bildirdi.

Ázerbaıjan Prezıdenti Ilham Álıev Nursultan Nazarbaevtyń dostyq pen senimge negizdelgen baýyrlas elderdiń strategııalyq qarym-qatynastaryn damytý isindegi tarıhı rólin joǵary baǵalady.

Ilham Álıev Qazaqstan Respýblıkasynyń Tuńǵysh Prezıdenti - Elbasyǵa zor densaýlyq tilep, Qazaqstandy órkendetý jolyndaǵy qyzmetiniń tabysty bolýyna nıettestik bildirdi.

Taraptar aldaǵy ýaqytta turaqty baılanystaryn jalǵastyra berýge ýaǵdalasty.