Ilfat Abdýllın sadaq atýdan Azııa kýbogin ıelendi
NUR-SULTAN. QazAqparat - Taılandtyń Bangkok qalasynda sadaq atýdan Azııa kýbogi aıaqtalyp, mergender básekesiniń sońǵy jarys kúninde Qazaqstan qorjynyna altyn medal tústi, dep habarlaıdy Olympic.kz.
Qazaqstan komandasynyń múshesi Ilfat Abdýllın klassıkalyq sadaq atýdan Azııa kýbogin enshiledi. Osy baǵdarlama boıynsha qola medaldi taǵy bir sportshymyz Sanjar Musaev ıelendi.
Klassıkalyq túrde sadaq atýdan komandalyq synda Qazaqstannyń erler jáne áıelder quramasy 4-shi orynǵa taban tiredi.
Osylaısha, Bangkok tórindegi týrnırden qazaqstandyqtar jalpy esebi bes medal jeńip aldy.
