iKOMEK109 ortalyǵy PIK-ter men lıft kompanııalarynyń sapasyz jumysyn taldaıdy
NUR-SULTAN. QazAqparat - Nur-Sultan qalasynyń qalalyq orta sapasy ján baqylaý basqarmasynda Nurlan Núrkenovtiń tóraǵalyǵymen PIK pen lıft sharýashylyqtary jumysynyń problemaly máseleleri boıynsha jıyn bolyp ótti, dep habarlaıdy qalalyq ákimdiktiń baspasóz qyzmeti.
Jıyn barysynda kúndelikti iKOMEK109 biryńǵaı baılanys ortalyǵyna kelip túsetin PIK jumysynyń problemaly máseleleri qaraldy.
Jyl basynan beri KPTÚ jelisi boıynsha 15 560 ótinish kelip tústi. Aǵymdaǵy jyldyń 16 shildesi men 23 shildesi aralyǵyndaǵy kezeńde 473 ótinish kelip tústi, bul ótken aptalarmen salystyrǵanda 2%-ǵa kóbirek. Ótinishterdiń kópshiligi sýmen jabdyqtaý, jylýmen jabdyqtaý, elektrmen jabdyqtaý jáne sanıtarlyq tazalaý máselelerine qatysty.
«Aǵymdaǵy jyldyń basynan beri KPTÚ-lerdegi qasbetterdiń jaısyz kúıine baılanysty 534 ótinish kelip tústi, onyń ishinde 363 ótinim qaptaıtyn taqtaılardyń qulaýyna, salbyraýyna jáne syrtqy qabatty qalpyna keltirýge baılanysty boldy. Qazirgi tańda 23 ótinish atqarylý ústinde. Táýligine orta eseppen 12 ótinish kelip túsedi.
Atap aıtqanda, kelip túsken ótinishterdiń kópshiligi »Turmys« JShS jáne »Qurmet 2000« JShS PIK-terine joldandy.
Sonymen qatar 2018 jyly iKOMEK109-ǵa lıft jabdyqtarynyń jumysy boıynsha 3 539 ótinish kelip tústi. 2018 jyly iKOMEK109 operatorlary qabyldaǵan ótinishter sany 1977-ni qurady. Tek aǵymdaǵy jyldyń basynan beri operatorlar 2 201 ótinishti qabyldady, bul ótken jyldyń osyndaı kezeńindegi ótinishter sanymen salystyrǵanda 10%-ǵa artyq», - dep baıandady Qalalyq iKOMEK109 ortalyǵy basshysynyń orynbasary Dına Temirǵalıeva.
Osylaısha, iKOMEK109 usynǵan taldaý málimetteri negizinde Qalalyq orta sapasy jáne baqylaý basqarmasy PIK pen lıft sharýashylyqtarynyń problemaly máselelerine naqty merzimder belgiledi. 3 aptalyq otyrystar nátıjesinde tıimsiz PIK-ter anyqtaldy. Qazirgi tańda PIK-ter shaǵymdar men ótinishterdi sheshý boıynsha jumys júrgizýde, olardyń qorytyndysy boıynsha jumys jóninde esepter usynylatyn bolady.
iKOMEK109-ǵa kelip túsken árbir ótinish tıisti jaýapty uıymǵa joldanyp qana qoımaı, olardy sheshý boıynsha naqty sharalar qabyldaý úshin qalanyń túıtkildi máselelerin taldaýǵa negiz bolady.
