Іkomek qyzmetine byltyr 1,6 mln shaǵym túsken
NUR-SULTAN. QazAqparat - QR Premer-mınıstriniń orynbasary Berdibek Saparbaev Nur-Sultan qalasyndaǵy «Іkomek109» ortalyǵynyń jumysymen tanysty, dep habarlaıdy QazAqparat tilshisi.
«Іkomek109» biryńǵaı baılanys ortalyǵy 2018 jyldyń qańtar aıynan bastap jumys isteıdi. 2018 jyly 1 mln-nan astam shaǵym tússe, 2019 jyly 1,6 mln-nan astam shaǵym tústi. Bul qala turǵyndary men qonaqtary jedel kómekti qajet etpeıtin suraqtaryn qaıda jiberetinin biletinin kórsetedi», - deıdi «Іkomek109» baılanys ortalyǵy basshysynyń orynbasary Berik Ahmetov.
Onyń aıtýynsha, shaǵymdar nazardan tys qalmaıdy.
«Shaǵymdar 109 nómirine túsedi. Odan keıin ortalyq mamandary olarmen keri baılanysqa shyǵady. Bir aýysymda 20-33 operator jumys isteıdi. 1 saǵattan 1 táýlik ishinde jaýap berilýi mindetti suraqtar bolady», - dedi Berik Ahmetov.
«Іkomek109» ortalyǵynyń jumysymen tanysý barysynda qala turǵyndary kóbinese qandaı suraqtar qoıatyny týraly aıtyldy.
«Elorda turǵyndary kóbinese qoǵamdyq kólik, qudyqtar, balabaqshaǵa kezekke turý týraly suraqtar qoıady. Aı saıyn osy jerde jınalyp, shaǵymdar boıynsha máselelerdi talqylaımyz», - deıdi maman.
Búgin QR Premer-mınıstriniń orynbasary Berdibek Saparbaev budan bólek birneshe nysandy, atap aıtqanda Esil aýdanyndaǵy Open Akimat-tyń, №21 qalalyq kópprofıldi aýrýhananyń, №9 qalalyq emhananyń, «Salaýatty Astana» medıtsınalyq ortalyǵynyń jáne Nur-Sultandaǵy Ortalyq temirjol aýrýhanasynyń jumysymen tanysady.
