iKomek qyzmeti: Astanalyqtardy eń kóp mazalaıtyn máseleler qandaı
ASTANA. QazAqparat - Astana qalalyq ákimdigine qarasty iKomek ortalyǵynyń basshysy Jánnat Dúbirova astanalyqtar kóp jaǵdaıda qandaı máselelermen habarlasatynyn aıtyp berdi, dep habarlaıdy QazAqparat tilshisi.
«Iá, bizge jıi kelip túsetin suraqtar boıynsha avtomatty túrde taldaý júrgiziledi. Eshqandaı jeke-jeke bólýdi qajet etpeı-aq, ol máselelerdiń qandaı ekenin aıta alamyz. Astanalyqtardy mazalaıtyn eń mańyzdy suraqtardyń alǵashqysy - qoǵamdyq kólik qyzmetiniń máseleleri. Ekinshisi - qoǵamdyq densaýlyq saqtaý máseleleri boıynsha suraqtar. ıAǵnı, elordalyqtar aýrýhanalardaǵy qyzmet sapasyna qatysty ótinimderdi joldap otyrady. Úshinshisi - ártúrli anyqtamalyq suraqtar boıynsha saýaldar kelip túsedi. Halyq kóp jaǵdaıda qandaı baǵytta qandaı avtobýstar júretinin, qandaı merekelik sharalar ótetinin bilý úshin habarlasady», - deıdi Jánnat Dúbirova OKQ-da ótken baspasóz máslıhatynda.
Onyń aıtýynsha, astanalyqtardan kommýnaldyq tólemder jaıy boıynsha suraqtardy ár aıdyń 15-nen keıin qarsha boraıtyn kórinedi. Ortalyqtaǵy qyzmetkerler kommýnaldyq tólemder júıesine shyǵa alatyndyqtan, turǵyndardyń JSN nómirimen-aq tıisti keńesterdi bere alady.
«Sonymen birge, bilim salasyndaǵy suraqtar jıi kelip túsedi. Bilim jaıly suraqtar ásirese bizde sýyq túsken kezde jıilep ketedi. ıAǵnı, qalalyqtar bizge habarlasyp, mektepte sabaq bola ma, joq pa sony bilgisi keledi. Biz osy suraq óte jıi qoıylatyndyqtan, tsıfrlandyrý jolymen aqparatty qalalyq ákimdiktiń saıtyna ornalastyratyn boldyq. Demek, bizdiń bazaǵa ol týraly belgili bir aqparat kelip túsetin bolsa, ol ıntegratsııalanǵan túrde ákimdiktiń saıtyna túsedi», - deıdi ol.
Eske sala ketsek, buǵan deıin Jánnat Dúbirova iKomek ortalyǵy 2018 jyldyń qańtar aıynda qurylyp, barlyq kommýnaldyq qyzmetterdiń jáne qalalyq basqarmalardyń, atap aıtqanda 4 aýdandyq ákimdiktiń, 17 qalalyq ákimdik basqarmalarynyń, 33 kommýnaldyq jáne apattyq qyzmetteriniń, 81 lıft sharýashylyqtarynyń nómirin 1-0-9 nómirine biriktirgenin atap ótken edi.
