IKEA kompanııasy bosqyndarǵa arnap 4 saǵatta qurastyrylatyn baspana shyǵarady
Bul týraly newsru.com habarlaıdy.
Jobaǵa Better Shelter - «Eń jaqsy baspana» degen ataý berildi. IKEA tapsyrys boıynsha tez qurystyratyn 10 myń baspana jasap shyǵarady.
Onyń alǵashqy legi osy jazda jetkizilmek. Mundaı ár úıdiń jaryǵy kún batareıalarynan qamtamasyz etiledi. Al plastık kóbikten quıylǵan panelder baspanany jyly etedi. Mundaı úıdiń aýdany shamamen 17,5 sharshy metr. Onda 5 adamǵa deıin turýyna bolady, al baǵasy shamamen 1150 dollar turady.
Ony qurý úshin 4 saǵat ýaqyt ketedi. Mundaı baspananyń baǵasy qarapaıym shatyrlardan eki ese qymbat bolsa da, ony 3 jyldan astam ýaqyt boıy paıdalanýǵa bolady. Al shatyrlar tek ǵana jarty jylǵa ǵana shydaıdy.
Sońǵy jyldar BUU-nyń Bosqyndar isi jóninen basqarmasy úshin ońaıǵa soqpaǵany málim. Sebebi 4 jylǵa sozylǵan Sırııadaǵy soǵys kesirinen 8 mln. halyq bosyp ketken. Jalpy ótken jyly álemdegi bosqyndar sany rekordtyq kórsetkishke jetken.
