IKAO standarttaryna sáıkes qaıta sertıfıkattaýdan soń elimizdegi keıbir avıakompanııanyń jumysy toqtaýy múmkin
ASTANA. 1 sáýir. QazAqparat - Bıyl elimizdegi avıakompanııalar men áýe kemeleri IKAO standarttaryna sáıkes, atalǵan uıym ókilderiniń qatysýymen qaıta sertıfıkattalady.
Bul týraly búgin Parlament Májilisinde ótip jatqan Úkimet saǵatynda Kólik jáne kommýnıkatsııa mınıstri Asqar Jumaǵalıev málim etti.
«Sertıfıkattar boıynsha jolaýshy tasymalymen turaqty aınalysatyn avıakompanııalar mindetti túrde IOSA-nyń aýdıtinen ótedi. Bul rette IKAO-nyń boljaýy boıynsha qaıta sertıfıkattaý nátıjesinde keıbir avıakompanııalar óz jumysyn toqtatýy yqtımal. Bul ushý qaýipsizdigin qamtamasyz etýge, Qazaqstan avıatsııasynyń «qara tizimnen» shyǵýyna yqpalyn tıgizeten bolady», - deıdi A. Jumaǵalıev.
Mınıstrdiń aıtýyna qaraǵanda, elimizdiń Azamattyq avıatsııa akademııasynyń bazasynda IKAO-nyń Avıatsııalyq qaýipsizdik boıynsha oqytý jáne biliktilikti jetildirý baǵytyndaǵy biryńǵaı ortalyǵyn ashý qarastyrylady. «Qazir Akademııanyń tehnıkalyq bazasyn nyǵaıtýǵa jáne zamanǵa saı trenajerler men áýe kemelerin alýǵa qarjy bólý jumystary qarastyrylyp jatyr», - deıdi A. Jumaǵalıev.
