IKAO Qazaqstanǵa tek baqylaý fýnktsııalaryna qatysty shaǵymdanǵan - B. Seıdahmetov
ASTANA. 13 qyrkúıek. QazAqparat - IKAO (Azamattyq avıatsııanyń halyqaralyq uıymy) Qazaqstanǵa tek ishinara baqylaý fýnktsııalarynyń qatysty shaǵymdanǵan.
Bul týraly búgin Halyqaralyq áýe kóligi qaýymdastyǵy (IATA - International Air Transport Association) Ortalyq Azııa men Kavkaz óńirinde qaýipsiz jáne tıimdi áýe tasymaldaryn qamtamasyz etý máselelerine arnalǵan halyqaralyq forýmda QR Kólik jáne kommýnıkatsııa mınıstrligi Azamattyq avıatsııa komıtetiniń tóraǵasy Beken Seıdahmetov málim etti.
Komıtet tóraǵasynyń aıtýynsha, Qazaqstannyń Úkimeti Eýroodaqtyń «qara tiziminen» shyǵýǵa qatysty birqatar sharalardy qabyldaǵaly jatyr. Bul baǵytta is-sharalardyń vedomstvoaralyq jospary men birqatar zańǵa táýeldi aktiler de ázirlengen. «Búgingi tańda baqylaý fýnktsııalaryn sapaly oryndaýǵa ǵana qatysty problemalar bar. Ondaı fýnktsııalar da negizinen Azamattyq avıatsııa komıtetiniń quzyretine jatady. Sondyqtan da, halyqaralyq uıym bizdiń azamattyq avıatsııa salasyndaǵy sýbektilerdi jetkilikti deńgeıde qadaǵalamaıdy dep sanap otyr», - deıdi B. Seıdahmetov.
Onyń aıtýynsha, jetkilikti qadaǵalanbaýdyń basty sebebi - joǵary bilikti avıatsııa mamandarynyń joqtyǵynan.
«Biz jaqyn aralyqta osy máselelerdi túbegeıli sheshetin bolamyz. Sol arqyly IKAO talabyn tolyq oryndaımyz», - dedi ol.
Sonymen birge, komıtet tóraǵasy jolaýshy jáne júk tasymaldary, ushý turaqtylyǵy, tranzıttik trafık jáne áýe kemeleriniń parkin jańartý kórsetkishteriniń turaqty ósý dınamıkasyn atap ótti. Máselen, 2011 jyly otandyq áýe kompanııalary 4,1 mln. adamdy tasymaldaǵan. Al bıyl bul 2010 jylǵy kórsetkishten 17 paıyzǵa artyq. 2012 jylǵy 1-jartyjyldyqtyń qorytyndysy boıynsha jolaýshy aǵynynyń ósimi 15 paıyzdy qurady.
