IKAO Qazaqstanda ushý qaýipsizdigine tekseris júrgizýdi kózdep otyrǵan joq

ASTANA. QazAqparat - Halyqaralyq azamattyq avıatsııa uıymynyń (IKAO) kelesi jylǵa arnalǵan ushý qaýipsizdigine tekserý júrgizýge baılanysty ámbebap baǵdarlamany oryndaý jónindegi elektrondy bıýlleteni shyǵaryldy, dep habarlaıdy QR Azamattyq avıatsııa komıtetiniń baspasóz qyzmeti.

Bul qujatta uıymǵa múshe memleketterdiń avıatsııalyq bılik oryndary men IKAO-nyń aldaǵy kezeńdegi josparly tekserý jumystary qamtylǵanyn aıta keteıik.

Jarııalanǵan josparǵa sáıkes IKAO bıyl jáne kelesi jyly Qazaqstannyń azamattyq avıatsııa qyzmetine aýdıt júrgizýdi qarastyrmaıdy.

Qazir elimizde ushý qaýipsizdigine baılanysty IKAO-nyń standarttary 82%-ǵa jetip otyr. Bul eýropalyq talaptyń ortasha kórsetkishimen teń.
Osy oraıda atalǵan halyqaralyq uıym táýekelder kórsetkishterin, burynǵy tekserýlerdiń nátıjelerin, múshelikke kiretin elderdegi avıatsııalyq qyzmettiń aýqymyn jáne anyqtalǵan kemshilikterdi aldyn alý baǵytynda oryndalǵan jumysty qosa alǵanda, túrli faktorlar negizindegi ámbebap baǵdarlamanyń aıasynda tekserýler júrgizý úshin memleketterdi tańdaýdy jalǵastyrýdy kózdep otyrǵanyn aıta keteıik.9008:57