IKAO qaqtyǵys júrip jatqan aımaqtar týraly áýe kompanııalaryna málimet berip otyrýǵa nıetti
ASTANA. QazAqparat - Azamattyq avıatsııanyń halyqaralyq uıymy (IKAO) jaýyngerlik is-qımyl aımaqtarynda áýe saparlary týraly áýe kompanııalary men túrli elderdiń bıligin aqparattandyrýǵa kómektesetin eki jańa joba jaıynda jarııalady.
Bundaı sheshim eki kúndik keńestiń qorytyndysy boıynsha qabyldandy. Onda Ýkraınanyń shyǵysynda 17 shildede apatqa ushyraǵan MH17 reısiniń negizinde áýe saparlarynyń qaýipsizdigi talqylandy.
Esterińizge sala keteıik, osy apat saldarynan borttaǵy barlyq 298 adam ajal qushqan bolatyn. Ushaqtyń «qara jáshikteri» brıtandyq mamandarǵa tapsyrylǵan edi.
Sheteldik BAQ-tyń jazýynsha, keńes barysynda IKAO bolýy múmkin qaýipter jaıynda áýe kompanııalaryn ýaqtyly aqparattandyrýǵa basymdyq beretindigin alǵa tartty.
